Aggiunto il 4 ott 2015
Giorni fa, inserendo il dipinto :" e na croce par Gesù ", spiegavo in quel contesto il significato e l'origine di quel titolo ( vedi )
Oggi ho pensato di trasferire in questo Blog questa poesia in dialetto della Bassa Veronese, salvata dall'oblio quasi sicuro, dal caro zio Bruno Carcereri, bravo Pittore ( vedi qui su Artmajeur ) negli anni 50 ? o forse prima. Anch'io sono mosso dallo stesso intento, e cioé di salvarla, visto che anch'io, con i miei 70 anni non sono lontano dalla definitiva sparizione.
Qui dovrebbe essere al sicuro per molto tempo, insieme ai quadri di Bruno ed ai miei ; d'altra parte l'avevamo imparata a memoria entrambi per dirla in ogni occasione che si presentava.
Certo l'auditorio deve essere in grado di capire questo dialetto ; comunque, intanto la salvo, e poi sarà quel che sarà! Si intitola :
LA CREASION DEL MONDO
1 Stroo par de soto e par de sora stroo
gnanca na sfesura, gnanca un buso
peso che andar de note in boca al loo
che averghe un stampo de piombo sul muso
2 Orma ne forma dal profondo suso
muso no ghe e ne bò che porta el soo
ne vecia stria che raspa o stirla el fuso
sta fermo ti che gnanca mi me moo
3 E zero fia zero e fia ch'el tempo pasa
milanta mila ani come un dì
parché no ghera ne roloi ne lunario
e l'infinito sbaciar che desganasa
in sempiterna secula così
fin ch'el destin l'ha tirà su el sipario
e accade che mi fabrica sto mondo
4 L'è n'afar serio, l'è n'afar scuro
mi sa son stufo de tegner duro
par de esar orbi, se va a taston
ocio, sta tento, va pian sul canton
5 Che se ghe veda pulito in giro
che se ghe veda se me destiro
che se ghe veda se son sentà
se son drito o colegà.
6 Cos'è che fao mi quà mi solo
dentro sto udo dentro sto moio
sensa nisuno par compagnia
sensa un lumento ne na busia
7 L'è un peso, un toco, un'eternità
ch'el tempo el pasa, ch'el tempo el va
ch'el tempo el core co sto costruto
l'è n'afar serio, l'è n'afar bruto
mi sa son stufo de sto nisol
poso e comando che svampa el sol
8 Ed eco suceda un scarabisamento ( scarabocchio, molto in tema con dei pittori! )
de milanta coete che se infrisa
masoli e rochetoni che se impisa
slancè par aria in scrioltolamento
9 Slusor che se rotondola e se stisa
e svampa rugolando e stralusendo
in tuto un fulminar che fa spaento
e sbrasa, e trema, e l'infinito sguisa
10 Scapa la note orba e desperà
con cento quercioli incapolè drio la schena
al par de un martarel
e nostro Dio Signor col deo puntà
el parte par aria come un sciopo
ch'el par ch'el voia infrinciar el ciel
11 Salta fora la luna bela piena
con la so facia lustra e resentà
salta fora le stele, el ciel se impiena
su tuti i quatro cai l'è imbrochetà
12 Le stele comete le se remena
svampa la coa in quà e in là
le stele filanti le se desbrena
fili de fogo, sgrisoli che va
13 Comparise la tera par de soto
tra un fumar de nebioni par desteso
tuta na confusion, tuto un mesioto
e da l'alto del ciel de tuto peso
piomba so nostro Dio che fa un rusoto
suuuuuuuuuuu, ...........e la dito
era stufo de restar sospeso
14 E sopia de qua, e sopia de là
sopia che te strasopia
Dio mio no par miga
ma anca sopiar l'è fadiga!
15 Eco la nebia che spaca le bende
eco la tera che se destende
e fora monti e fora mari
e fora fiumi torboli e ciari
16 E longhi, e curti, e larghi, e streti
e driti, e storti, e furiosi e chieti
dove el pese in frega drio le ricoste
el sparpara sguisando e fichetando
17 El luso con la sgardeva
el barbio, el cavasin
e co la tenca el gobo
e la gagna el pese spin
18 E sparpara e ficheta
e mena che te remena
finise che i se sbecola
in pansa a la balena
19 E sopia de qua, e sopia de là
sopia che te strasopia
Dio mio no par miga
ma anca sopiar l'è fadiga!
20 Ed eco che se sente su par sti monti
un smegolar de pegore e vedei
e musi che rogna e un sigolar de osei
e fisse de bissi soto tera sconti
21 E fra un smiaolar de gati che se sposa
rusa el leon de tuti sora ia
compagna i cani musica rabiosa
regola prima dela sinfonia
22 E a sciapi a sturmole mosche e sginsale
va sguindolandose so par ste vale
en trameso a ronfole de matonsini
che beca e ponse co fa i ucini
e fra un mesioto de tanti bai
se grata el mondo ai quatro cai
23 E sopia de qua, e sopia de là
sopia che te strasopia
Dio mio no par miga
ma anca sopiar l'è fadiga!
24 Fora le pioppe, fora i morari
olmi, rubini, platanari
salgari, persegari, spinari, nespolari
susinari, figari, amolari, sarcari
25 Albari da ramo par ci vol stele
albari scarmini par ci vol perteghele
albari da fruto par impangar la pansa
nespole del giapon e amoli de fransa
26 E vanese de salata, crencanele
ravanele, brusaoci, bruscansi
molesini, ramponsoli,
e fra meso l'erba spagna
el gà cassà el grongolo de la gramegna
e dopo che i bacani i ega
el ga dito
27 E sopia de qua, e sopia de là
sopia che te strasopia
Dio mio no par miga
ma anca sopiar l'è fadiga!
28 Fora ogni sorta, fora ogni genere
de robe dure, de robe tenere
robe che tira, robe che mola
robe che sbrissia, robe che ingola
29 Robe lesere, rope pesanti
robe smorlache, robe scrocanti
e ciare, e scure, e smorsa e impisa
puntì de franse e sbisa e schisa
30 Catie, bone, drite e distorte
fora tute de ogni genere
fora tute de ogni sorte
31 E sopia de qua, e sopia de là
sopia che te strasopia
Dio mio no par miga
ma anca sopiar l'è fadiga!
32 Fadiga si, ma infine cosa semo
cos'elo ancò? l'è sabo
che destriga? sior paron
manca gnente?
33 Mancrea un laoreto bon
un laoreto a man che sia ben fato
che nol sapia ne da suca ne da molon
ch'el me somea a mi, me farò el ritrato
34 Acqua in tera, tera ancora
smissia, smissia, fa la malta
cori intorno, sopia, salta
masa dura, la se spiansa
su la mota, su el puoto
la so testa e la so pansa
e ch'el sipia a drito fil
35 Faghe i brassi, faghe le gambe
tornoèle e che le se toca
oci, naso, rece, e boca
sensa tante cose strambe
come i corni o pur la coa
36 So un supion, ...SSSSSSSSSSS
le noe se tira, verse boca, verse oci
desnosela pié e senoci
fato sta che lu el se proa
37 Ma ghe vien la sbaciarela che dal sono
el volta via, poro can par compagnia
ghe vorea na polastrela ;
el nostro Dio el ghe pensa su
38 Polastrela sgarsolosa
che lo tien col muso elto
nostro Dio così desvelto
el ghe fabrica la sposa
e na croce par Gesù ( da qui il titolo del mio quadro )
39 Tropo tonda e molesina
masa sucaro e botier
ghe volea de più farina
e ghe volea de men consier
40 Anca pò con stì laori scrimacé cosita ben
tuta sugo rissi e fiori
questo va quel'altro vien
41 Spongadine in bela vista, mandorlato in ciaro scuro
ci volio che ghe resista, ci sarà che ghe tien duro
ci saralo, a sol pensarghe se fa serio S. Antonio
figuremose a guardarle, sfido lu, sfido el demonio
42 Così è nato che un bel giorno
tira mola moretina
se se broa stagando al forno
al mulin se se infarina
43 L'è vegnudo el gran omento
da baloni de saon
co un supion de soto vento
s'è desfado in un sburton
44 S'è desfado in una gosa
che slusea come un cristal
e l'è stà la prima gosa
del diluvio universal
45 Quanta grasia de Dio
che se destende e che se desperde
su par sti monti e so par ste pianure
quanto variar de fiori e quanta ombria
par la santa pase de ste creature
46 Quanta abondansa fresca de fruti
e grosi e polposi e dolsi e mostosi
e par la fame e par la se de tuti
47 Ma l'omo, si l'omo che in testa sempre el ga bu
piantà e rebatù come un ciodo
48 De sgranfignarse quel che nol ga
de far empre a so modo
de sempre come l'oio galegar
49 Taca barufa, se roba la dona
se roba la casa, se roba el maiar
sto toco l'è mio da qua fin qua
sto trin sto tran, sto campo, sto prà
50 Ghe pianto i confini, trì tochi de piera
e guai chi s'enventa de farghe la siera
lo inciodo sul fato a far da stecato
51 Metève in senocio, basé dove pesto
mi son el più grande, mi son el più forte
da quà fin a la morte el capo son mi
52 Ve fao par Santa grasia che no ve meto a rosto
che no ve maio el naso, che no ve struco el mosto
par farme un bearon
53 Ghe la sente in parte che stà sita
e mastega la rabia soto i denti
col naso in tera e la coa in pingolon
54 Si si, ma n'altro omo in cao la filara
va tirando via col soo sul col
e la musarola busa, che stinca site
dai oci che n'do la sfrisa sbusa
55 Marcia canaia, qua comando mi
voi farme coi to denti na colana
e na centura co le to buele
da portar sete giorni la setimana
parché me veda tute ste butèle
56 Ti can rabioso te broco in salata
fa brocar un ravano mauro
e tuti du se taca smorsegoni
la prima guera de sto mondo
57 Se taca a smorsegoni e pugnasi
ch'el muso roersa, uno ghe monta su
a gambe verte tuto stramencià
e slordo de sangue e de suor
58 Con un ocio storto e l'altro che ghe pingola
con meso naso e con na recia sola
se ghe un can che se moe lo sciapo a meso
59 Tuti i cavei se indrisa de paura
tute le nose dei senoci se mola
tute le voci in sepoltura gridava
misericordia! viva el re
60 E così a stormoli
la gente va de meso a la so rovina
e Dio che da l'alto dei cieli
l'ha visto stà cativeria, l'ha dito
61 BASTA ! Ghe dao el patao
e ghe insegno le peste del mao. ( nessuno ha mai capito il significato di questi versi ! )
spalanchete fontana dell'abisso
catarate del ciel staché la usara
site de piera de fogo in subiso
come tanti canoni che se sbara
62 Descadené, desvergolè in frisara
de stracanton in cercoli de biso
de su de so el mondo che scagnare
el mondo fiol d'un can che malediso
63 Fiscia ventoso brontolo profondo
sui arbari del mondo el temporal
crese el rusor ragoso tuto intorno
le nuvole se rugola a caval
64 Gesù Maria spiansiso sora el mondo
scarabiso de fogo da el segnal
el segnal de la guera sensa fondo
che forsar el doso fa contro la val
65 Si, guera descadenà de gran demoni
che desfa e rompe e strusia e spaca
e porta su tuto a rebaltoni
e che lasa so tuto a recascar de paca
66 Guera descadenà ai quatro cantoni
che la tera dai cancani destaca
aiuto, aiuto, a sciapi come mati
omeni done veci se despera
67 Signor, par i nostri fioi sensa pecati
laseghe almanco un tochetin de tera.
Ma eco vegner a galega una pansa
na sarumola sbiava, e do, e tre, e cento se imbalansa
su l'acqua che se slava
68 Se la tera l'è ancora na fogasa
ma s'el ciel l'è na scodela roersà
ha Tolomeo parché no nassar prima
69 E intanto sta galina vecia ha fato l'ovo
e ha dito cocodè cocodè
se salva solo ci è su l'arca de Noè
ciao!
P.S. Ho trascritto dal registratore senza alcuna regola metrica poiché non le conosco, ma solo per ricordare le parole visto che i tempi della recitazione li conosco. Bruno Carcereri
Appena mi sarà possibile inserirò anche l'Audio
Sergio Carcereri